根據樂高2026年喺香港搞嘅最新研究調查，高達 96% 香港受訪家庭都坦言「希望可以同小朋友擁有更多玩樂時間」。
陪伴固然重要，但其實玩樂唔一定要大費周章，日常生活小碎片一樣可以變出無限創意。
2026年夏天，樂高香港將「玩樂」帶入日常生活，開啟玩樂模式——聯同九龍巴士（九巴）砌咗互動巴士站，將等巴士嘅時間轉化做親子互動時刻——巴士台就帶大家先睇睇裝嵌嗰陣係點：
2026年7月23號21時
2026年7月23號23時
2026年7月24號01時
香港本地樂高專業認證大師洪子健（Andy Hung）用樂高顆粒創作3個互動巴士站，放落香港3個地區登場，畀小朋友同家長喺等巴士嗰陣，發掘無限創意，由樂高人偶「樂仔」做主角，重新演繹大家熟悉嘅社區風景：
- 將尖沙咀香港太空館幻想成香噴噴嘅「菠蘿包」
- 去將軍澳坐上飛毯歷險
- 沙田山景化身「雪糕山」
每個互動巴士站仲設有「好玩站牌」，連接用樂高顆粒砌出嚟嘅「巴士落車鐘掣」裝置——大家可以盡情玩、盡情撳！
每撳一下「落車鐘掣」，除咗聽到經典巴士「落車鐘」嘅「叮叮」聲效，站牌仲會顯示區內唔同好玩地點，一路等巴士，一路發掘附近值得探索嘅好玩地方。
活動期間嘅每個星期六、星期日，樂高巴士站仲會有「陪你玩」挑戰，邀請公眾一齊用樂高顆粒，將自己心目中嘅創意想法加入巴士站。完成活動後，小朋友有機會獲贈 「樂高小禮物」。（禮品數量有限，送完即止）
樂高互動巴士站
| 日期 | 2026年7月24號 ~ 2026年9月3號 |
| 地點 | ・尖沙咀彌敦道「尖沙咀警署」巴士站（YT113） ・將軍澳唐明街2號尚德廣場外「唐明街公園」巴士站（TK107） ・沙田担杆莆街「沙田大會堂」巴士站（ST740） |
| 周末「陪你玩」 | 活動期間嘅每個星期六及星期日 |
不過，公眾空間嘅裝置，面對最大嘅危機往往唔係天氣，而係「人」，樂高互動巴士站裝好咗只係兩、三日就已經…
被人為破壞
配件被拆走
人偶被扭斷
原隻人偶連底托被偷走
而喺巴士台採訪期間，不時見到途經嘅人試圖拆走樂高互動巴士站嘅部件——尤其係人偶：
Andy得知情況後表示「好難搞，人仔只有對『腳』可以黐住，『頭髮』接觸點好細，就算有化學劑都會俾人扯走」，作品被人為破壞後「搵晚要去修復」。
面對途人咁「多手」…
究竟3幅作品係咪可以捱到原定活動期嘅尾聲？
Be the first to comment