旺角小巴的士相撞 消息指7人受傷

2022年2月27號傍晚，1架專綫小巴由旺角東站公共運輸交匯處轉落聯運街期間發生車禍，幸好當時只係得司機受傷…

司機不適致小巴撞壆復剷交通燈 消防救護車無暇遂派聖約翰送醫

2022年3月8號朝早，距離上次車禍現場無幾遠嘅亞皆老街 / 聯運街路口，再次發生涉及專綫小巴嘅車禍！

1架服務九龍專綫小巴17M號路線嘅19座豐田Coaster（車輛登記：WH4038），沿亞皆老街東行，去到聯運街交界「衝紅燈」，同一架由染布房街跟從綠燈駛出嘅市區的士相撞，並且將的士推埋路邊欄杆，路邊消防水龍頭亦被撞低。

當局喺0714時接到市民報案，立即調派消防救援人員趕去現場展開拯救行動，現場消息指小巴入面司機同4名乘客加上的士入面司機同1名乘客都受傷，其中的士入面兩人一度報稱被困車廂。