新巴「人力車觀光巴士」聖誕主題廣告

聖誕將至，巴士公司除咗好似以往咁利用巴士電子路線牌向乘客祝賀之外，仲有啲咩方法去同大家共度佳節呢？

繼約廿年前九巴為巴士披上聖誕全車身廣告後，主力服務香港島嘅匯達交通亦都係今年喺新巴其中一部 ADL Enviro 500 人力車觀光巴士 (車隊編號 5550) 上，貼上一個以紫色為主色嘅聖誕主題廣告。

• 

呢個聖誕主題廣告係繼城巴 車隊編號 8543 嘅「無接觸支付」廣告後，另一個以類似英國雙層巴士廣告張貼方式裱裝嘅廣告。廣告會將車窗窗柱黑色位置一併張貼，同香港一般見慣嘅巴士廣告有明顯分別。

而車廂內同上層扶手，亦都有簡單嘅聖誕佈置增加氣氛。巴士喺今日早上停泊喺中環碼頭巴士總站。估計下晝同晚上會投入H1，同埋H2觀光路線服務。