近期網上流傳多幀九巴新訂購的比亞迪單層電動巴士嘅相片，包括在比亞迪位於杭州廠房的「諜照」，到上星期就有新車運抵香港的相片流出。
大多數的討論除咗一貫的可靠性之外，就集中响車身油漆配色。的確有點兒「唔知想點」，而主色的綠色又的確令人想起新加坡巴士。
再又其實「綠底襯紅標誌」都唔係無參考例子…..
車身顏色要調整嘅難度不算高，至於可靠性呢個問題，一日未實際營運行駛都仲係未知之數，但單睇從廠方攞到嘅資料，在技術上算係「俾足誠意」。首先，新巴士採用「輪邊驅動系統」，電動摩打安裝在車輪內旁，直接驅動巴士行駛，好處係省去變速器和傳動軸等相關組件，減少動力流失，並節省維修成本。
**注意：僅供參考以了解「輪邊驅動」，並非介紹車款使用的組件**
另外，從上面的參考圖片可見，左右車輪中間無咗「尾牙」，釋出車廂尾部嘅空間並將低地台區進一步伸延。還有可以減輕重量。根據比亞迪廠方提供的初步規格資料，配合埋經改良嘅車身結構，總體重量比「舊款」K9R 輕4%，粗略計算即約 500kg / 0.5噸。正如「香港『國產巴士』始祖」嘅阿Lim 話事解「以數據嚟講算係有交代」。
電動車最關鍵嘅當然係電池。B12A 採用全新電池管理技術，充電時間由以往的4小時縮短至2小時，預計 fully charged 續航距離大約200公里。另外採用水冷系統控制電池溫度，冀得到延長電池壽命及提升效能嘅目標。
單純數據、資料，整體而言的確比舊產品有好大進步。但實際表現如何，要有待完成運輸署懶係嚴謹嘅驗車程序後出牌行駛才會知道。又或者試過車 (如果有咁嘅機會) 先至可以作進一步評論，最起碼軸距長達6.3m 可會「唔夠軚」，對中國巴士製造商而言確係巨大挑戰。
規格資料簡介
型號：BYD B12A
形式：純電動，摩打置於後輪
制動系統：全風式四輪碟式，附ABS，摩打電能回收制動
車身體積 (長x闊x高)：12000x2500x3270mm/h；軸距6300mm
設計載客量：座位33，企位50 (待運輸署最終計算核實)
備註：以上資料僅供參考。所有規格以生產商 比亞迪汽車有限公司 公佈為準
備註：附註明外，本文所有相片由比亞迪廠方提供。
2 Trackbacks / Pingbacks