【日本巴士】旅遊巴電車輕碰 電車出軌一人傷

當地時間2020年1月28號下晝4點45分左右，日本北海道札幌市中央區南3條西4丁目狸小路商店街附近，發生一宗牽涉觀光巴士嘅車禍。

現場消息指，一抽札幌市交通局營運嘅3卡編成路面有軌電車，同一架觀光巴士碰撞。

事發後有軌電車頭卡出軌，根據札幌市交通局所講，電車上當時載有大約30名乘客，其中有一名62歲女乘客報稱腰痛，屬於輕傷。

至於觀光巴士方面，巴士公司夜晚回應傳媒查詢時指，當時係由小樽返去札幌，巴士上載有大約50名外國遊客，車禍後巴士左側有玻璃破碎。