【大巴大巴車埋你】昂坪360 x 大巴士黃昏日落團延長優惠期！

之前講到，昂坪360聯同大巴士香港喺2021年10月5個星期五、六、日嘅秋日週末假期，舉辦期間限定嘅全新旅遊體驗，推出「360纜車•敞蓬觀光巴士黃昏遊」套票。

【大巴大巴車埋你】10月限定！昂坪360聯同大巴士聯合推出黃昏日落團

日落時分由昂坪 360 東涌纜車站開出，先帶大家兜一兜去赤鱲角南環路欣賞落日、再行經宏偉嘅汲水門橋、青馬大橋、昂船洲大橋，沿途靜賞夕陽餘暉嘅極美景致，最後喺繁華嘅尖沙咀漢口道，作為旅程嘅終點，全程大約1個鐘頭（視乎交通情況）。

美好事物一瞬即逝，就好似日落同限時優惠咁！

由於班次同埋可以接載嘅乘客有限，加上市場反應唔錯，有見及此，「360纜車•敞蓬觀光巴士黃昏遊」套票會優惠延長到2021年11月！

搭同一程車就可以飽覽東涌到尖沙咀嘅日落晚霞，途經赤鱲角南環路、青馬大橋、昂船洲大橋之餘，仲可以近距離見到飛機升降㗎！（編按：武漢肺炎搞到少咗客運航班啫，貨運航班仲有好多飛緊，睇你好唔好彩遇到喇！）

不過要留意返，「360纜車•敞蓬觀光巴士黃昏遊」套票喺2021年11月就只係會喺逢星期六、日
根據當日日落時間調整，由東涌纜車站開出1班。

收費方面：

🎫來回纜車門票 (標準車廂) + 一程開篷巴士黃昏遊：成人/長者$283 ，小童$158
🎫來回纜車門票 (水晶車廂) + 一程開篷巴士黃昏遊：成人/長者$363 ，小童$238

只要喺去玩嘅至少1日前就可以去昂坪360官網以優惠價買到套票，享受你嘅全新行程！

如果加少少語言藝術：

帶你坐架雙門、開篷、340匹嘅車去兜風睇日落

相信身邊人都應該聽到會幾開心！

心動不如行動！快啲訂位啦！得嗰啲指定日子各開1班㗎咋！