城巴開辦「數碼港食飯專線」6.29 啟航

响薄扶林數碼港返工嘅人士，食 Lunch 從來都唔係一個難題，而係一個無辦法用科技處理、非常之苦惱嘅難題，因為嗰度唔止係美食沙漠，說成「接近零選擇」也該是貼切陳述。唔少人會選擇搭車前往香港仔、黃竹坑一帶用膳，但公共交通供應不敷需求。城巴將會在六月底開辦有如「食飯專線」73X，相信有助改善一眾數碼港搵食人士感到頭痛嘅問題。

城巴宣佈，將在嚟緊6月29日起開辦第73X號線，逢星期一至五 (公眾假期除外) 12:30 由數碼港開往黃竹坑，中途僅停香港仔，14:00 由黃竹坑回程數碼港，成人每位收費 HK$8.0。初步為期三個月。

如果截到新款6座位的士，攤分每位車費起碼 HK$12.0，呢條新線對於乘客嚟講可謂「德政」。但只得一班車，「頂閘」人數大約120，係咪滿足到「數碼港搵食人士」嘅需要，真係拭目以待。但交通規劃通常都係由小規模開始測試實際反應，再決定下一步點樣調整，係正常做法。係咪行足三個月，係咪要加車，最終都真係要睇有幾多乘客支持。