昂坪360喺2024年嘅纜車收入創開業以嚟新高，2024年全年較2023年全年上升約3成，2024年全年共接待156萬名賓客，平均每個營業日有4 843名賓客到訪，較2019年相比均有接近1成升幅。其中長途地區市場升幅顯著，2024年長途地區市場賓客日均人數，較2023年大增約84%，而短途地區市場賓客日均人數則上升34%。
昂坪360董事總經理董沛銓先生表示，感謝本地同埋海外賓客嘅支持，令昂坪360 喺2024年嘅賓客人數有所上升，並超越2019年疫情前水平，造就纜車收入創歷史新高。佢指出，昂坪360一直積極籌辦全方位市場推廣活動同埋持續革新昂坪市集，2025年會一如既往力求進步，帶嚟更多精彩活動，並繼續將新元素注入昂坪市集，務求令到訪客得到最美好嘅體驗。
收入按年比較
| 項目 | 收入（港幣） | 2024年與2023年全年比較 | 2024年與2019年全年比較 |
| 纜車車費 | 約4.13億元 | +30% | +32% |
賓客人數按年比較
| 項目 | 人數 | 2024年與2023年全年比較 | 2024年與2019年全年比較 |
| 全年總數 | 156萬 | +13% | +8% |
| 每營業日平均數 | 4 843 | +13% | +9% |
全景纜車高峰期使用率接近爆滿 增11架滿足需求
2022年年底投入服務嘅全景纜車Crystal+備受賓客追捧，2024年暑假、黃金周以及聖誕等高峰時期，平均使用率都超過9成。
有見及此，昂坪360已經額外增加11架全景纜車，並且喺2025年1月底完成車門功能、負重、車廂運行等測試，現時已經全面投入服務，令全景纜車總數增加到21架。
昂坪360平均纜車可靠度繼續維持高水平，2024年達到99.96%，相當於每營業日嘅8句鐘營運時間中，平均只有少過1分鐘延誤——呢個成就有賴工程人員定期進行維修保養，並且舉行演習同埋訓練，確保纜車安全穩定。
積極向中国同埋海外市場推廣
針對中国市場，昂坪360積極透過「小紅書」以及「抖音」等網絡平台加強宣傳，又聯同香港旅遊發展局邀請網紅以及傳媒代表親身體驗，仲推出針對中国學生嘅研學團，宣傳策略成效顯著，2024年昂坪360迎嚟歷來日均中国賓客到訪人數最多嘅中国國慶假期，兼且躋身「抖音」嘅「城市觀光熱銷榜」香港地區三甲位置。
海外市場方面，昂坪360繼續舉辦簡介會連繫各地旅行社及傳媒，會議獎勵旅行團數量亦持續增長，當中嚟自泰國、印度嘅團數較2019年增長超過1倍。
| 客源 | 2019年 | 2023年 | 2024年 |
| 香港本地 | 19% | 28% | 20% |
| 中国大陸 | 25% | 31% | 29% |
| 短途地區 | 34% | 31% | 37% |
| 長途地區 | 22% | 9% | 14% |
未來昂坪360將繼續加強各市場宣傳，包括喺中国以及東南亞舉辦旅遊業界產品推介會，並且向印尼、馬來西亞、中東等市場宣傳昂坪360係「穆斯林友善」設施。
獲穆斯林友善「黃金級」認證 全年獲超過80項獎項認可
2024年9月，昂坪 360 獲穆斯林友善旅遊評級機構「新月評等」評為「黃金級認證景點」。昂坪 360為顧及穆斯林賓客需求，喺昂坪市集設置男女祈禱室，附以穆斯林女士長袍、禮拜毯、可蘭經、祈禱珠等用品以供使用，並設有洗小淨設施以及穆斯林友善用水設備嘅洗手間，以完善穆斯林賓客旅遊體驗。
昂坪360喺2024年推廣市場活動亦廣受關注，當中包括於暑假舉辦嘅「100%多啦A夢&FRIENDS@昂坪360」，組織1 500人快閃砌出多啦A夢頭像；11~12月聯同香港本地人家傳戶曉品牌「紅A」聯乘嘅「昂坪360 x 紅A聖誕夢工場」，邀得人氣演藝人林峯助陣；以及2025年1月同香港本地電影《香港四徑大步走》聯手推出為參賽健兒打氣嘅活動等。呢啲活動獲業界認可，奪得多項大獎。連同優質管理同埋貼心服務多個獎項，昂坪360喺2024年合共奪得84項大獎，數字係歷來最高。
支持香港本地藝術家 經典香港漫畫《牛仔》聯乘
昂坪360一直支持香港本地藝術創作，2025年復活節推出頭炮活動，搵嚟香港經典四格漫畫《牛仔》合作，一齊喺昂坪市集重現 1970~2000年代、由已故香港漫畫家王司馬創作嘅角色「契爺」同埋「牛仔」，昂坪360亦會同《牛仔》推出聯乘產品，喚醒香港大眾對「老香港」嘅回憶。
昂坪360亦搵咗9位香港本地藝術家，為角色添上新裝，佢哋嘅創作會被製作成立體雕塑同埋平面藝術品，放喺昂坪市集展出（排名不分先後）：
- 葛民輝
- 林海峰
- 梁詠琪
- 利志達
- 塵阿力
- 黎達達榮
- Man僧
- Bonnie Pang
- Lousy
昂坪市集持續革新 全港首間提供超過100種口味雪糕店進駐
昂坪360繼2024年引入《中國王朝風雲館之三國風雲》之後，繼續致力豐富昂坪市集嘅旅遊體驗，邀得香港本地雪糕牌子《Da Dolce》預計最快2025年第3季喺昂坪市集開設2層高「雪糕旗艦店」，成為香港第1間同時提供超過100種口味嘅雪糕店，畀賓客能夠一路食雪糕，一路享受昂坪市集、纜車美景，當中唔少口味具有香港特色：
- 香港奶茶
- 鹹蛋黃
- 薑汁撞奶
Be the first to comment