【新車速報】駿景巴士 ~ 中港威馳騰 WSD-CK2021旅遊巴士

去年9月底中港車身廠舉行盛大的新車發佈會展出的多部「中港威馳騰」全承載車身旅遊巴士，經過一輪的驗車程序及出牌手續後，已陸續交付客戶。其中「駿景巴士」的一部，近日正式投入服務。

呢部「中港威馳騰」為長度12m、高度3.5m規格。車廂採用3+2座椅佈局，載客量67座位。

機械方面，引擎為玉柴 YCK11-410，排氣量 10981cc，最大功率 410PS@1900rpm，峰值扭力2000Nm@950rpm。波箱為 ZF Ecolife 2 六前速自動波箱。前後車軸均為 ZF 出品，其中前軸更為獨立懸掛設計。

駿景巴士有限公司董事司徒廣倫先生表示，疫情後的市場變化，希望有車價較相宜但質素及可靠性維持一定水平的車款。「用慣咗歐洲（底盤嘅）車，亦的確好用、司機同事亦鍾意駕駛。但疫情後嘅經營狀況，與及對前景的評估仍只能審慎觀望，若要買車都必須『面對現實』。但當然唔可以買架『垃圾』返嚟，以免到頭來花費更多於維修方面，變相得不償失」

司徒先生指出，因為適逢車隊內有車輛屆滿15年使用上限，湊巧地「中港」展開與「威馳騰」的合作計劃，在了解過廠方擬定的規格之後，加諸於多年來對「中港車身廠」的出品的信賴，決定加入「扯頭纜」之列。

車身款式沿用本台測試介紹過的 CK2021，駕駛室佈局無太大變化。但映像監察系統則換上「360° 環迴視角」系統，其中左右兩側更有動態視角調節，會配合指揮燈拉闊攝錄映像角度。

但「正位司機」黃先生則有認為有需要改良之處「以前全個屏幕都係車尾，或者有一個按鈕可即時切換成車身左邊的鏡頭（映像）」「唔係話新科技唔好，而係畫面分開咗兩部份甚至四部份，比較難適應同作準確判斷」

另一方面，黃先生盛讚行李倉容量比歐洲底盤的車大，「若接載學生出席活動而要帶備物資，例如音樂表演的大型樂器，這部車的行李倉可以更輕鬆應付」。

性能操控表現，黃先生指出加速反應非常之快，初接手部車時都有一點應接不暇，但適應咗之後則欣賞可輕鬆攀爬「長命斜」的敏捷。

大家如果想租車遊車河的話，可以透過本台電郵或 Facebook 專頁PM，或直接聯絡駿景巴士有限公司，電話號碼 2254-2223 查詢。

至於本台幾時會有試駕介紹，訂閱我哋嘅 YouTube 頻道，仲有記得撳埋🔔鐘仔🔔 就會知道㗎喇！