【傑出乘客系列】究竟搭巴士可唔可以食嘢？

話說做得巴士呢行總會發現，三時五刻總會有啲人偷雞喺巴士上面食嘢…就好似咁…

如果睇返巴士公司嘅《乘客須知》，參考《公共巴士服務規例》、《公眾衛生條例》等香港法例，為乘客嘅安全及舒適着想，乘客需要遵守《乘客須知》當中所列舉嘅規則，其中包括：

嚴禁於車廂內飲食、吐涎或丟棄垃圾，以保持車廂清潔。

——九巴 / 龍運《乘客須知》第22項

請勿於車廂內飲食、隨地吐痰或亂拋垃圾，以保持車廂清潔。

——城巴《乘客須知》第21項

對於一向好鍾意爭取乜乜物物嘅「香港人」，濫用「唔守規矩」呢樣嘢絕對係重要文化核心之一，而且係往往捉錯用神，爭取一啲小恩小惠多於大仁大義。

鋸個茶餐啫，大家包容吓啦！

——網民戇鳩意見

歸根究底，成個問題嘅重點唔在於「究竟搭巴士可唔可以食嘢？」、「鋸個茶餐啫，點解唔包容吓？」，而係…

憑乜嘢成個社會可以容忍僱主唔提供足夠嘅休息同埋飲食時間？

（大家覺得巴士公司員工好恰啲所以就揀挑戰巴士公司嘅規矩？）

係囉，成日話咩民主前線嗰班「人」，淨係識得話「外賣餐具唔掂」、「巴士唔畀食嘢唔掂」…點解唔見講吓「僱主畀唔夠休息同用膳時間唔掂」，然後爭取畀一眾僱員有返足夠嘅休息同用膳時間呢？

睇見真係唔值得笑嘅好搞笑…