【新車速報】「世界汽車旅遊巴士」最新成員 – Scania K410CB 配 JL-020 車身

車身顏色配搭充滿豪華韻味嘅「世界汽車旅遊巴士有限公司」最近購置一部裝配捷聯 JL-020 車身 Scania K410CB 70座大型旅遊巴士。

相對我哋曾經測試介紹過嘅 K360IB 底盤，「世界汽車」今次採用嘅 Scania K410CB 底盤，顧名思義其引擎輸出 410PS ，動力表現更加澎湃；峰值扭力高達2150Nm @900-1340rpm。

至於理論上關於耗油量的問題，「世界汽車」負責人鍾幟龍先生 (上圖) 表示並非想像中之高「自多年前購入第一部 K410 底盤旅遊巴，原本都以為要擔心耗油量成本，但實際上並非中之高」「如果同你哋介紹嗰部 (Scania) K360 (底盤) 時講嘅數字比較的話，差距大約10%左右」，加上總體嘅維修成本，與及綜合司機對於車輛操控嘅意見，所以今次訂購新車依然選用 Scania K410 底盤。波箱為 Scania 最新的 12前速 OptiCruise 「自動轉波」規格。

車身選用捷聯 JL-020 款式，採用 3+2 座椅佈局，載客量70座位。被問到車廂、尤其是駕駛室空間問題，鍾先生表示「相比之下一定無咁寬闊，但以我咁健碩嘅身形都唔會覺得駕駛室迫夾，可以接受範圍啦！」

四部大型巴士均為捷聯出品，若再數算之前已轉售的車輛都係捷聯車身廠出品，鍾先生指的確受其外形款式同車廂佈置吸引「上一代 (JL-010M) 車廂感覺已經夠『豪宅 feel』，坐過嘅乘客都讚不絕口。新款 (JL-020) 更加之『豪』；之前購置嘅三部亦無太多維修問題，所以第四部都係選用返捷聯」

大家如果想租車遊車河的話，可以透過本台電郵或 Facebook 專頁PM，或直接聯絡世界汽車旅遊巴士有限公司，電話號碼 9217-7881 查詢。

至於本台幾時會有試駕介紹，訂閱我哋嘅 YouTube 頻道，仲有記得撳埋🔔鐘仔🔔 就會知道㗎喇！