經營中港跨境客運嘅「深圳深港榮利直通巴有限公司」最近購置一部 ISUZU LV452 底盤裝配 捷聯 JL-020 車身 嘅大型旅遊巴士,日前代理正式交付到「榮利」手上,預計稍後正式投入服務。


ISUZU 在香港市場一直以採用排氣量 7,790cc 輸出介乎 240-270PS 嘅 6HK1 引擎的底盤,包括昔日配備葉片彈簧懸掛的 LT134 及近年用上氣墊懸掛的 LT434 兩款型號為主力產品。唯旅遊巴士業界一直希望有較高性能的型號,年前 ISUZU 香港代理「合眾汽車」引入配上沿用於30噸四軸泥頭車的 6WG1 引擎的規格,命名為 LV452 的旅遊巴士底盤。

6WG1 引擎為直列六氣缸構造,排氣量15,681cc,輸出功率高達 420PS、峰值扭力 1900Nm。無論排氣量及動力輸出數值可謂相當驚人。亦可能因此而較少旅遊巴士公司問津。但經營中港跨境客運的「榮利」,認為這規格會適合於長途客運,於是將之納為車隊旗下。
回顧過去,榮利曾經購置過日本原裝整車的 ISUZU Super Cruiser LV781 (下圖) ,配置嘅引擎為10PE1 – V型10氣缸 19,001cc。「榮利」車務經理黎天雄先生笑言「相比之下,呢部新車 (嘅排氣量) 唔算誇張㗎喇」。

Credit: Gary [email protected]
出發前往拍攝場地順便短程試駕。引擎排氣量達16L 果然反應敏捷、力大無窮,慢速入迴旋處都只需要輕掂油門已經快捷加速,攀爬斜路亦無需要「地板油」,亦無需要 kick down,就可以輕易完成。


車身為捷聯 JL-020,過境規格除咗要有行李倉之外,當然仲有响深圳河以北適用的右側中門。




車廂為 2+2 佈局,載客量49座位。座椅為「維嘉」出品 “VEGASEAT 440″。除尾排及中門、太平門前的一排,所有椅背可以後傾,並裝配有兩點式安全帶。


大家如果想乘搭的話,可向「榮利」票務熱線查詢,電話號碼 2397-0333。至於想包車上廣東省玩的話,亦可以透過本台電郵或 Facebook 專頁PM,或與「榮利」聯絡洽詢。
至於本台幾時會有試駕介紹,訂閱我哋嘅 YouTube 頻道,仲有記得撳埋🔔鐘仔🔔 就會知道㗎喇!
攝影:Jacky Lim, Hung Lun Bear
Be the first to comment