喺嚟緊嘅5·1黃金週，預計將會承接去年10·1同今年農曆新年嘅氣勢，香港將會迎嚟大批大陸來港嘅訪客。
作為香港唯一擁有開篷巴士車隊嘅專利巴士公司－ #城巴 將會喺呢個黃金週假期，為旗下開篷巴士路線作出革新。三部全新改裝嘅 Alexander Dennis Enviro 500 MMC 開篷巴士，將會加入 H 系路線投入服務。三部車由舊有車隊中達近十年車齡巴士改裝，被改換上全黃色車身色彩。上層前半沿用舊有 #人力車觀光巴士 嘅「#鵝髻」半頂設計，但車頂加上天窗，而有蓋部份左右兩邊就設有趟窗趟，讓你哋盡情喺熾熱嘅陽光感受經典熱狗巴士嘅浪漫情懷！而下層冷氣部份嘅座位亦換上全新嘅藍色箭咀圖案椅套，令人耳目一新！
而班次方面，黃金週假期期間夜晚嘅 H2K 路線班次加密至每 20 分鐘一班，而 H1 同 H2 嘅班次就由一個鐘頭一班加密到半個鐘頭一班。相信能夠疏導假期期間訪港，希望以低價乘搭開篷巴士嘅人流。
至於另一間喺本港經營開篷巴士業務嘅國際品牌 Big Bus Tours，又會喺5·1黃金週期間點應對？稍後另一篇文先講你知！
Be the first to comment