中国广州南沙貨船撞橋致貨車巴士跌落船艙底未知死傷 (13:00 更新)

中国廣州南沙區今早發生貨船撞橋墩致橋面斷開，導致有車跌落空載貨船嘅船底，司機失蹤而暫時未知死傷情況。

今朝清晨約05:30，一艘空載嘅內河貨櫃船由佛山南海開往去廣州南沙，沿洪奇瀝水道行駛至瀝心沙大橋時懷疑失控，船身撞向瀝心沙大橋嘅橋墩，導致橋面其中一截斷開，剛巧有最少一部巴士及一部貨車駛至，兩部車連同斷橋面下跌入內河船的船艙底部。

該部巴士屬於廣州巴士集團嘅單層巴士，據廣巴嘅公告，巴士當時車上只有車長梁金華一人。截至目前為止，廣巴表示仍未同梁車長取得聯絡。廣州市政府有關部門已經趕抵到現場進行搜索及調查，瀝心沙大橋及連接道路目前封閉，禁止車輛行駛。

_____________________

13:00 更新

綜合各地傳媒報導，廣州市政府證實，除咗在船艙底的兩部車輛之外，另有三部車輛墮入瀝心沙水道河底，並已證實兩人死亡，三人失蹤。

另外，有影片於中国微博流傳內河船撞到橋墩嘅一刻，可見到事發時，內河船打橫撞向橋墩而橋面瞬間斷開跌落河道