城巴有份投資，由威馳騰(福建)汽車生產嘅全港首輛氫燃料電池雙層電動巴士（下稱：巴士）喺2022年9月16號清晨由拖車經由落馬洲檢查站(皇崗口岸)陸路關口離開香港，本地巴士界內部眾說紛紜，有矛頭直指香港消防處守舊及落後嘅法例同政策，令到當初如同UBER般高調進軍香港，最終都落敗收場。
究竟一切會唔會都只係流言？及至傍晚時份城巴有限公司於其Facebook 官方專頁發文指出氫能雙層巴士離開香港「是為了走更遠的路！」，巴士將返回其生產地中國大陸進行進一步測試並領取相關檢測證書，之後會離開中國到歐美國家作巡迴展覽，以彰顯本港科研之成果，2023年巴士將會返回香港，同時城巴宣布將會引入續航距離超過400公里之型號以支持政府綠色運輸嘅發展咁話喎。
其實今次鬧出笑話歸根究底都係源於香港政府落後嘅法例，配合唔到科技嘅進步。近年來政府係推出政策嘅時候往往由於嚴重落後嘅法例窒礙政策嘅落實同發展。就以今次事件為例，就係由於環保政策優於現行交通甚至消防相關嘅法例，因此巴士只係單純返廠都可以俾人吹到敗走。
香港依家喺完善嘅選舉制度下產生咗一個「支持政府施政」嘅立法會，香港已經「由亂到治，由治及興」，各個相關政策局係咪更加要快馬加鞭向立法會提出法案以便及時更新同埋更正相關法例與時並進一啲呢？
你班友唔係唔支持国家呀嘛？
1 Trackback / Pingback