羌山道車禍全封 嶼巴3路線受影響

2022年1月19號近中午，大嶼山羗山道近觀音寺發生車禍，來回方向全線封閉。

今次車禍涉及1架敦豪速遞嘅平治Vito型客貨車同1架新大嶼山巴士嘅猛獅A51 18.310型單層巴士（車隊編號：MN60，車輛登記：MD9594），當局接報後已經派員到場善後。

受車禍封路影響，新大嶼山巴士服務一度受阻，1號及11號路線線須改道行駛並且只能夠提供有限度服務，而21號路線要暫停服務。

到下晝1點幾，車禍現場改為單線雙程行車，嶼巴以上3條路線陸續恢復正常服務。

（配圖撮自突發事故群組）