【緊急呼籲？切勿前往大嶼山？】

2021年2月14號，撞正「赤口」嘅情人節，連日假期遇上新型冠狀病毒（武漢肺炎）令香港人無得外遊，市民轉為喺香港郊遊。

其中喺東涌，作為北大嶼山出入市區嘅轉車地區，大批嚟自香港各區嘅遊人聚集，準備由東涌搭新大嶼山巴士去大嶼山各個「景點」。

中午時份，輪候嘅乘客已經多到塞滿東涌（達東路）巴士總站、東涌站巴士總站，人龍伸延到昂坪360東涌站側嘅空間、東堤灣畔/東薈城中間嘅廣場，以及附近街道。

新大嶼山巴士連同其母公司冠忠巴士已經加派人手同埋巴士疏導人潮，請現場乘客耐心等候，打算去大嶼山而未起行嘅就不如乖乖地留喺屋企。

另外，東涌泊車位好快會滿，自己揸車都唔好喇！

（相片由「住喺東涌嘅日本消防員」提供）