回望返去2019年11月初，九巴曾經喺佢哋公司嘅智能電話應用程式App1933入面刊登一份尋人啟示，最後仲成功搵返當時被送去搭巴士後一度失蹤嘅一名輕度智障學生。
去到2020年2月7號，九巴喺網絡社交媒體專頁發文，指出經常收到九巴乘客嘅訊息，想幫手搵返佢哋嘅屋企人，所以特地喺App1933推出「尋人啟示功能」。
文中仲提及原來香港每年平均約有1000名長者走失，當中有超過17%係喺公共運輸系統上走失。
有見及此，九巴喺App1933新增尋人啟示功能，加上調整八達通收費系統，親友只需要向九巴提供長者嘅個人資料同佢哋使用嘅八達通卡號碼，九巴就可以輸入八達通系統，當嗰張八達通卡拍落九巴嘅巴士畀錢嘅時候，就會有唔同嘅提示聲，提示巴士車長呢個係走失咗嘅長者。
大家記得抄低屋企人張八達通卡個號碼喇！
Be the first to comment