近年流動宣傳車響世界各地都成為潮流風氣，除咗大家見慣見熟嘅私家車同埋貨車款式之外，其實巴士都係一種響國際上比較常見嘅流動宣傳車。
啱啱過去嘅星期四（10月24號），喺英格蘭嘅倫敦有一間餐廳響維多利亞街開設新嘅分店。
當地有網民發現呢間餐廳就利用咗喺愛爾蘭都柏林登記嘅Routemaster巴士（RML2434），車身披滿咗類似植被、掛上咗餐廳嘅訂座電話，擺放喺新舖附近嘅巴士站做宣傳品。
有網民就話呢間餐廳向來定價唔係平，見到佢哋用一啲比較「貼地」嘅公眾車輛去做宣傳都感覺有啲奇怪。
同時又有網民話，原來呢間餐廳之前已經喺其他英格蘭城市用過同一架Routemaster巴士去宣傳其他新開分店，而且仲上網分享咗今年2月喺曼徹斯特同一間餐廳用呢架Routemaster巴士宣傳新分店嘅相片。
其實亞洲地區都有人用過Routemaster巴士作為宣傳車之用，相信有咁上下資歷都對日本東京嗰幾架應該有印象，下次「返鄉下」旅行嘅時候記得留意下喎！
Be the first to comment