「帶住寵物遊新路」：九巴搞寵物巴士中九龍繞道特別團

中九龍繞道（油麻地段）（「中九龍繞道」）2025年12月21號通車，九巴會喺當日上晝開辦「寵物巴士特別團」，由將軍澳出發前往西九文化區，路線駛經剛剛通車嘅中九龍繞道，寵物主人可以把握機會同深愛嘅寵物成為全港首批乘坐寵物巴士橫跨中九龍繞道嘅「乘客」！

「寵物巴士特別團」喺2025年12月21號0915時由將軍澳開出，途經觀塘海濱及啟德，終點係西九文化區，路線橫跨將軍澳跨灣大橋以及當日通車嘅中九龍繞道。「寵物巴士特別團」僅此一班，名額有限，先到先得，「寵物巴士團」月票適用，乘客可透過九巴手機應用程式APP1933購票。

日期	時間	詳情
2025年12月21號	0915（將軍澳開車）	路線編號：PBEX 行程： 將軍澳 → 康城 →（將軍澳跨灣大橋）→ 觀塘 → 啟德 → （中九龍繞道）→ 西九文化區 上落車地點： ・將軍澳唐俊街海天晉外 ・康城站公共運輸交匯處 ・觀塘海濱（基業街觀塘碼頭廣場外） ・啟德沐元街（AIRSIDE外） ・西九文化區（香港故宮文化博物館）

「寵物巴士特別團」團費：

• $60（每兩名乘客及一隻寵物）
• $30（每兩名乘客及一隻寵物，兩名乘客均須持有樂悠卡）

為確保主人以及寵物安全，訂票以及登車前請詳閱寵物巴士乘搭守則。

同日起，「寵物巴士團」恆常路線馬灣 PBS2團由頭班車開始會改經中九龍繞道，由將軍澳出發可以直達中九龍繞道，前往西九文化區，行車時間會更快捷同埋穩定，畀主人抱住寵物一齊體驗新道路所帶嚟嘅方便。

• 馬灣 PBS2團（以旅遊巴士服務）
• 路線：將軍澳 ⇋ 柯士甸道西 ⇋ 西九文化區 ⇋ 奧運 ⇋ 青衣 ⇋ 馬灣
• 時間：由將軍澳出發（逢星期日）：1000~1800 （每60分鐘一團）
• 上落車地點︰
  • 將軍澳︰唐俊街海天晉外
  • 柯士甸道西：柯士甸道西巴士站
  • 西九文化區：香港故宮文化博物館
  • 奧運：海泓道（近海富商場）
  • 青衣SPCA：長輝路愛護動物協會賽馬會百周年中心外
  • 馬灣︰珀欣路居民巴士NR331巴士站

服務由開大旅遊服務有限公司提供，旅行社牌照號碼︰350045