九巴及龍運捐款港幣200萬元 支援大埔宏福苑火災災民

九龍巴士（一九三三）有限公司（「九巴」）及龍運巴士有限公司（「龍運」）喺2025年11月27號發稿對2025年11月26號大埔宏福苑5級火警造成嘅人命傷亡深感難過以及哀痛，並對1名消防員英勇殉職致以崇高敬意，亦向受影響嘅家庭致以最深切慰問。

為支援受影響災民，九巴及龍運會透過「KMB Charity Foundation」捐出200萬港元，為死傷者家屬提供經濟援助，以及協助災民渡過難關。

此外，九巴及龍運由2025年11月27號起會喺公司內部發起員工募捐，呼籲員工向宏福苑受影響人士伸出援手，為援助工作出一分力。同時，九巴義工團隊「九巴之友」已主動聯絡志願團體，安排為受影響人士提供合適協助。

九巴及龍運表示會與每一位受火災影響嘅市民同在，希望通過呢次捐款，為受災市民送上支持以及關懷，並且會繼續秉持城市脈搏嘅理念，心繫大埔。