「日日keep住食，藥箱都變成首飾箱」
呢一句經典對白，相信香港市民大眾除咗有時倒轉兩個「箱」嚟講笑之外，最先諗起嘅都應該係「御藥堂」。
御藥堂喺2022年迎嚟咗20週年，為咗同公眾分享公司「生日」嘅喜悅，御藥堂喺2022年11月15號請全港市民免費搭香港電車！
御藥堂多年嘅代言人米雪以及新加入嘅20週年大使張敬軒都乘坐「御藥堂生日派對電車」出巡，為「御藥堂20週年慶祝活動」打響頭炮。
唔少「軒公」嘅支持者一早齊集喺屈地街電車廠門外等候，搞到要警方派人嚟拉起封鎖線，更加勞動到電車公司嘅職員叫大家上返行人路喎！
米雪加埋張敬軒嘅電車巡遊活動，喺中午12點由港島屈地街電車廠出發，途經中上環、灣仔到銅鑼灣附近。
同行仲有2架分用2位代言人、御藥堂20周年吉祥物「蟲蟲」同埋「孢孢」做設計概念嘅主題電車㖭！
隨著保健品嘅客源漸趨年輕化，2022年御藥堂破格邀請備受老中青喜愛嘅張敬軒成為「20週年品牌大使」。
御藥堂母公司順騰國際(控股)有限公司新任執行董事及行政總裁林瑋瑭先生，以及御藥堂新任首席營運官楊日泉先生都話希望藉著張敬軒嘅健康同埋多元形象，將御藥堂塑造成為更有活力嘅牌子，從而打入更廣闊嘅消費圈。同時，佢哋都期望御藥堂未來能夠繼續幫香港人投資健康，做出更大嘅「首飾箱」，如同新廣告口號一樣：「首飾箱直頭Triple Up！」。
Be the first to comment