九巴新一代比亞迪B12A型電動巴士到訪筲箕灣

九巴新一代比亞迪B12A型純電動單層巴士已經喺2022年4月25號率先行走6號線 （荔枝角 ⇋ 尖沙咀碼頭），路線途經彌敦道等繁忙路段，為乘客提供零路邊排放、較寧靜嘅巴士服務。

為咗畀市民更了解新一代單層電動巴士嘅特色以及九巴決定喺2050年全線採用新能源巴士嘅目標，九巴安排咗其中一架新一代比亞迪B12A型單層電勳巴士（車隊編號：BEB1，車輛登記：XV5838）到訪筲箕灣巴士總站畀市民參觀。

九巴安排咗職員喺現場講解新一代單層電動巴士嘅特色，以及介紹九巴新能源巴士發展時間表路線圖，並且向參觀市民派發有關新一代電動巴士規格嘅宣傳單張同紀念品。

期間東區區議員李清霞、周卓奇亦有到場了解新一代電動巴士嘅運作。

九巴表示，旗下新一代單層電動巴士嚟緊亦會到訪香港唔同地方，九巴會藉此深入社區介紹電動巴士嘅好處以及九巴推動綠色運輸發展、實現減碳零排放嘅決心。