九巴「遊戲」 有「bug」令人唔順氣？

之前講起…

九巴揼錢搵人宣傳一堆根本玩唔到嘅「小遊戲」

九巴「遊戲」儲積分？ 規則收緊極「搵笨」？

跟住就又收到市民反映「其實啲『小遊戲』好似好多bug又唔debug，該做唔做」之餘，除咗前文有人提過「包剪揼」嘅潛在「古惑」之外，有意見表示，以下呢個「小遊戲」都「鬼鬼地」…

是咁的，「扑鱷魚」相信唔少人去「冒X樂園」都有玩過，原理就係隻「鱷魚」伸出嚟就「扑」佢，從而得分。

去到呢度，相信大家都應該對得分有個概念：

• 要有「鱷魚」伸出嚟
• 要有足夠「時間差」畀人扑到「鱷魚」

問題就嚟喇！

收到市民意見之後，經過網絡工程師同人類學者分析，原來呢個遊戲對以上兩項有所謂「bug」：

• 每一局遊戲限時60秒之中可以唔只一次發生10秒時間無「鱷魚」伸出嚟
• 唔少「鱷魚」伸出嚟嘅「時間差」係短過已知正常人類條件反應時間

當然大家可以話「有啲難度先至有挑戰感」…呢個講法或許啱嘅。

可能反正每日上限派27分就索性幫大家每個遊戲得分都「清零」啦！

都係嗰句：想儲分就乖乖地搭巴士啦！