【渡輪】航程中跳板突打開 幸好無發生大意外

2021年5月20號朝早7點幾，珀麗灣客運旗下一艘載客渡輪，上落客嘅跳板艙門喺航行中自動打開。

由網上流傳嘅相片見到，艙門打開時，渡輪已經駛離碼頭航行緊，渡輪上載有唔少乘客，事發後有船員守喺艙門。

另一張相片就見到艙門打開後，吊住喺右邊船身外，渡輪頂有船員拉繩，有珀麗灣居民反映疑似渡輪跳板本身就有問題。