城巴從後撞旅巴 4名乘客需送院

2021年3月26號朝早9點幾，城巴旗下城巴機場快綫車隊嘅1架丹尼士三叉㦸E500 Turbo 12米版本雙層巴士（車隊編號：8037，車輛登記：SK733），喺行緊E11A號路線去天后站、去到近西區海底隧道時撞上前面1架旅遊巴士。

由網絡上流傳嘅相片可以見到，車禍後巴士車頭擋風玻璃破裂，而另一段影片中見到有乘客倒地。

事發後消防處一度準備調派大批救護車，其後證實幸好只有4人輕傷，送去伊利沙伯醫院治理。