隨著新型冠狀病毒（武漢肺炎）疫情喺社會擴散得越嚟越嚴重，為保障公眾安全，九巴表示陸陸續續會喺近3000架巴士嘅上車位置新增消毒地氈，希望乘客一上車記得踩一踩、消一消毒個鞋底先好坐埋位。
至於實際上塊所謂「消毒地氈」係點樣呀？（⊙＿⊙）
就係咁囉！真係踩還踩記得唔好阻住人上巴士、唔好企實喺地氈個位…（＝＿＝）
至於乘客點睇？哈哈哈哈哈…
- Dennis Wan：大佬你收車還收車唔好收得咁離譜ok?你咁多客積埋同一班車仲易出事
- Vic Lau：收車收到無客咪無病毒
- Kin Lun：減少左班次 令到每班車都多左人 增加左乘客的風險 加上 減少班次是沒有更改 app 請問 運輸處知道沒有
- Charles Lee：首先要有車上，其次要上到車。而家狗巴你 #收車拆樓抗肺炎，#再嘈兩粒鐘一班 啊嘛，我地明架喇！
- Pura Choi：地毯咁近司機，積聚左d病毒病菌，我相信你地唔會亦做唔到每個鐘清潔一次。司機硬食喎
- Angus Ho：都要上到車，等到車先得㗎！
- Hana Choy：如果有條友踩左屎踩上地氈。。咁下一位踩落去咪。。（之前我真的見過有人踩左屎上巴士😱臭到呢。。）
- Doug Chou：今個星期多左人返工 你加返d車好喎 成日頂閘一陣有隱藏帶毒者上車 全車total loss你地執笠都唔掂
- Kin Wai：有車上到先得架，一係收一係出單層 同埋張地氈隨時kick親人，阻住輪椅上落，請問諗呢條橋既人係咪做巴士，有無做過安全評估
而針對返九巴嗰幅圖…
- Lan Leung：九巴仔，你沒有戴口罩上車
大家對呢個安排又點睇呢？
Be the first to comment