香港由2019年社會上反對政府獨斷修訂《逃犯條例》，到後嚟香港政府搖身一變軍政獨裁濫權濫捕，令臺灣政界亦受震盪，以至近來新型冠狀病毒（武漢肺炎）肆虐而令臺灣政府逼不得已要對香港人「落閘」…對臺灣同香港兩地公民嘅感情可以話係一個考驗，更加係一個契機。
正當臺灣政府為防範新型冠狀病毒（武漢肺炎）由香港傳入，下令由2020年2月6號開始要限制香港入境臺灣嘅旅客…喺同一時間，臺灣民間仍然關懷香港人嘅，雖然佢哋實際上幫唔到香港人啲乜，但係相比「其他国家」惡言相向，臺灣人嘅言行就正好反映出臺灣係香港嘅忠實盟邦之一。
根據中華民國大眾運輸促進協會嘅消息，服務臺灣臺東地區嘅鼎東客運山線17架巴士，即日起張貼「香港加油」標語，以示鼓勵香港人奮力面對當前逆境！
就此，大家不妨諗真吓：成日叫大家背靠佢嘅嗰個国家，當香港人係乜？
Be the first to comment