近日新型冠狀病毒肺炎（武漢肺炎）喺中国大規模擴散，隨著中国人致力同全世界「攬炒」，疫情已經影響多個國家。
而香港同中国只係隔條河，仲要咁啱農曆新年假期，大量中国人尤如蝗蟲飛舞咁遷徒，香港市民對政府internet explorer式反應深感不滿。對此，有網民發起喺2020年1月29號朝早以堵塞交通抗爭，警方喺多區派駐 喬裝 便裝人員應變。
根據香港電台報道，警方表示，2020年1月29號凌晨時份，港鐵東鐵綫大學站同上水站，分別有人喺路軌放置雜物。
報道指凌晨3點幾，警方接報有人喺上水段港鐵東鐵綫路軌上，放置單車、竹枝等雜物，港鐵已經派員清理。
到清晨5點幾，大學站路軌上被發現有雪糕筒等雜物，服務一度受影響。
港鐵公佈，由於有人進入大學站附近嘅路軌範圍以及多個車站附近路軌上有障礙物，東鐵綫列車需要慢駛，東鐵綫來往紅磡站同羅湖站/落馬洲站嘅行車時間預計需要額外10-15分鐘。
現時東鐵綫月台上嘅乘客較多，候車時間亦會較長。請為行程預留充裕時間。
Be the first to comment