【澳門巴士】長陣D車唔上路 長「葡撻」末日來到？

2019年12月29號朝早，澳門公共巴士壇就傳嚟令人惋惜嘅消息：

新福利旗下嘅15架11米長陣版丹尼士飛鏢型巴士全部無出街！

根據澳門交通資訊網所講，由新福利營運嘅32號路線，原本用開嘅長陣版丹尼士飛鏢型巴士全數留廠，改派歐三規格嘅海格巴士代替。

【長陣 D 車，壽終正寢？】新福利長陣丹尼士飛鏢（D 車）今日全數留廠，沒有營運，而 32 路線全數用車轉為歐三海格（K 車）。而目前 32 路線所使用的 K 車為其他路線的掛牌車，或僅是臨時的車務調動。若未來數日，D 車仍然沒有恢復營運，則代表在 2020 年前退出營運。

Posted by 澳門交通資訊網 – 澳門巴士資訊 on Saturday, 28 December 2019

澳門交通資訊網表示，如果未來幾日，長陣版丹尼士飛鏢型巴士仍然無恢復營運，咁代表佢哋未捱到2020年就已經退役。

至於另一邊廂，港澳交通研究社就話，新福利呢15長陣版丹尼士飛鏢型巴士全數留廠，但退役之說係「未知」。

[澳門巴士資訊]【飛鏢巴士】新福利的丹尼士飛鏢巴士 11 米長陣版本，15 部營運車輛於今日全數留廠，未知是否已經退役。不過，今天 32 路線的派車，全是 5X 和 34 路線的掛牌車，所以 D 車亦有可能是年檢。如退役屬實，目前澳門的專利巴士只剩下 Rosa 小巴是外國巴士，其餘全是宇通、金旅或金龍品牌的巴士。至於 10 米短陣 D 車，今日照常行駛永利皇宮員工巴士。Admin MK7454

Posted by 港澳交通研究社 on Saturday, 28 December 2019

港澳交通研究社提及，用開長陣版丹尼士飛鏢型巴士嘅新福利32號路線，全數改用原本 5X 同 34 號路線嘅「掛牌車」，佢哋推論長陣版丹尼士飛鏢型巴士只係拎咗去做年檢。

假如長陣版丹尼士飛鏢型巴士真係退役，咁澳門嘅專利巴士車隊就只剩三菱扶桑 Rosa 小巴係中国以外地方牌子嘅巴士，其餘全部會係宇通、金旅、金龍呢啲中国牌子嘅巴士。

至於10米短陣版丹尼士飛鏢型巴士，朝早仍然照常做緊永利皇宮員工巴士…

（編按：因為懶，banner張相求其拎一張貼住先…）