2019年11月18號朝早，再次有巴士車長遇襲！
根據whatsapp巴士車長群組消息，一班新巴94A號路線巴士，喺去到華富道華泰樓巴士站時，一名年長暴徒突然襲擊巴士車長。
據現場巴士站等緊其他巴士嘅目擊者所講，呢班巴士當時已經上完客，嗰名年長暴徒就喺巴士下層一直指罵巴士車長，目擊者指佢戴咗耳機都聽得到嗰名年長暴徒把聲。
當目擊者行上去睇吓咩事嗰陣，嗰名暴徒已經打緊巴士車長，而暴徒仲係拎住用膠袋包住嘅木棍打爆巴士車長個頭！（目擊者懷疑呢個年長暴徒根本早有準備武器行凶。）
現場可見巴士車長已受重傷，但仍然擋格，巴士站嘅市民好多都幫手上前制服暴徒同搶走暴徒所用嘅武器，再報警處理。
暴徒施襲後，巴士車長頭破血流，幸好有幾名較年輕嘅乘客見義勇為，制服嗰名年長暴徒，並為巴士車長撳住傷口止血。而目擊者指一名喺附近嘅民__聯人士聞訊趕到現場「食花生」，並協助嗰個暴徒聯絡屋企人掩護逃走。
其後，消防處救護員到場接手治理，照片可見街坊為咗協助巴士車長止血，佢哋認為啱用嘅嘢都用咗…
希望遇襲巴士車長早日康復。
（編按：本文部份用字參考咗某種人嘅習慣，歡迎對號入座）
Be the first to comment