話說早幾日港鐵東鐵綫服務幾近完全中斷，港鐵於是話自己會提供免費接駁巴士，畀原本諗住搭東鐵綫嘅乘客去返佢哋嘅目的地。
至於要搭到呢啲港鐵嘅免費接駁巴士有幾困難呢？香港本地專業攝影師廖榮耀咁啱就係其中一位乘客，佢就喺自己嘅Facebook貼咗一啲當時等車情況嘅照片：
根據佢喺facebook所講，佢係喺1804時到達大圍站，開始輪候港鐵免費接駁巴士。
今次港鐵提供嘅免費接駁巴士係由大圍站開始，經大埔墟站同埋粉嶺站，終點站係上水站。
當然現場等候嘅市民人數眾多， 人龍喺大圍站入面、出面都「打晒蛇餅」… (⊙＿⊙)
而據佢所寫，輪到佢可以上巴士時已經係1920時… (+_+) …到佢落巴士嘅時候已經係2035時。
縱使佢需要經歷咁長時間先至搭得完一程巴士，佢亦都有話：不過點都唔會割蓆。
其實剔除咗吐露港公路被堵塞嘅問題之後，大家都諗一諗，現時係咪太過側重於港鐵去為公眾提供公共運輸服務，令到港鐵喺無法提供服務嘅時間，市面上真係無其他選擇？
Be the first to comment