【山頂纜車】第5代車廂馬路上現身？唔係愚人節笑話！

2023年4月1號，網絡通訊軟件流傳一啲相片，見到香港山頂纜車嘅第5代車廂喺馬路上出沒，由平板拖車運送…

有指今次香港山頂纜車嘅第5代車廂係出沒喺近深圳灣一帶，根據資料，自從香港山頂纜車嘅第5代車廂由路軌吊走之後，有一卡捐出畀非政府組織，有一卡就係被保留喺新界一個偏僻地點，相信今次相片中見到嘅應該係後者。

向香港山頂纜車有限公司相關人士查詢後，獲悉山頂纜車公司早前同中電控股有限公司達成協議，將其中一卡已退役嘅第5代纜車車廂轉移到位於九龍亞皆老街中電鐘樓，用作展覽以及教育用途。

位於九龍亞皆老街147號嘅中電鐘樓屬於中電前總部重建計劃嘅一部份。鐘樓部份會被保育以及發展成為博物館，用作公眾教育，香港山頂纜車嘅第5代車廂將會喺中電鐘樓展出。

現時整個重建計劃已經完成，關於博物館嘅詳情，中電稍後再作另行公布。

【山頂纜車】第5代車廂退役 11,000人次齊「送殯」