澳洲雪梨「香港巴士日」終於正式復辦

以往每年一月嘅澳洲國慶及農曆新年，都會有幾部來自香港嘅退役巴士出動，用作國慶日活動穿梭巴士，或接載乘客遊車河。可是自從2020年武漢肺炎疫情被迫停辦，幾部巴士亦未有駛出街。直至舊年 (2022) 國慶有限度恢復，與及年中那所謂「庆回归」活動。

隨住武肺於澳洲遠去，雪梨巴士博物館 (Sydney Bus Museum) 今年正式復辦「香港巴士日」活動，分別於1月22日農曆大年初一及1月29日國慶後星期日舉行，三部完成修復而狀況良好嘅香港退役巴士將會開動，接載已購票嘅乘客遊車河。

三部巴士仍然係自九巴退役嘅 Leyland Olympian 9.5m – BL66，Mercedes-Benz O305 – ME30，與及自中巴退役嘅 MCW Metrobus 12m – ML1。

「遊河」票價 A$20.00 (折算約 HK$ 115.0)，另有長者、學生優惠票，與及家庭套票。可預先在 trybooking.com 網站訂購，或在博物館 / 遊河另一端總站 Park Street (毗鄰雪梨市政廳) 即場購票然後輪候上車。大年初一嘅一場已經完滿結束，1月29日嘅一場現正接受訂票。

雖然今年嘅「遊河」路線稍有修改，但都無改雪梨市民，尤其是來自香港嘅家庭嘅興致。