喺上個月底，經 MCV 學院（ مدرسة MCV）流出嘅相片，見到一部座椅款式同排佈都有分別嘅 EvoSeti 車身富豪 B8L 12.8 米雙層巴士，今日終於經車船由海路運抵本港，並喺同日由工程人員駛走。
喺相片所見，新車棄用備受批評嘅 Lazzerini Ethos「快餐椅」，改為使用 Vogel Revo S 座椅。而現場所見，上層右邊嘅「倒頭位」亦佔用上層原有樓梯圍欄組件部份位置，估計設計可以更善用空間以增加上層載客量。除此之外，車側路線牌擺放位置亦有改動，車頂亦裝有太陽能光伏板，而車尾亦加設顯示燈，讓車長知悉巴士轉彎時尾跨動態避免意外。
不過巴士由埃及運抵香港途中，部份車身組件懷疑因碰撞而損毀，所以相信短時間內新車都未能前往作車型檢定（Type Approvel）。而車廂內嘅新改動最後可唔可以通過本港落後過時嘅車輛構造規例，就拭目以待喇～
延伸閱讀：
3月底經由 MCV 學院帖文流出之相片，可見到此車上層右邊座椅排佈
21/03【#全新座位排佈】一家四口搭巴士，好多人都鍾意揀下層車尾嘅「對頭位/面對面」。但係小朋友又想上上層睇風景喎，咁點算呢？ 埃及MCV 學院今日接待當地教育部官員後發放嘅相片中，意外展示一部剛裝嵌完成嘅九巴富豪 B8L 配 MCV…
Posted by HK Bus Channel 巴士台 on Monday, 21 March 2022
Be the first to comment