徵地用作社區隔離設施 巴士公司運作亦受影響

隨著新型冠狀病毒（武漢肺炎）喺香港持續肆虐，報稱確診嘅市民數目持續飊升，當局一直周圍搵地方做臨時社區隔離設施，而公共巴士服務亦開始受實際影響。

因應政府緊急安排，當局喺2022年3月10號通知城巴，啟德承景街嘅九龍灣泊車場會被徵用做臨時社區隔離設施，場地需要喺少於24句鐘之內清空，平時泊喺呢個車場入面嘅所有車輛，由2022年3月11號開始要改為停泊喺富豪東方酒店到譽．港灣一帶對開嘅世運道路面。

另一方面，港灣道體育館亦會被徵用做臨時社區隔離設施，因為要避免阻礙救護人員工作，九巴已經喺2022年3月11號發出通告，指令各巴士車長唔好喺港灣道體育館對出泊低巴士去食飯或者等開工。

隨著「疫情」發展，相信當局有機會增加徵用嘅地點，可能會有更多公共交通服務受影響。