新巴車長惹肺炎 消毒工作無間斷

新巴喺2020年7月17號發出新聞稿，指前一晚接獲香港衛生署通知，1名新巴駕駛23號路線嘅巴士車長初步確診新型冠狀病毒（武漢肺炎）。

新巴聲稱，嗰名巴士車長喺7月12號休假，7月13-14號開工。其後巴士車長喺7月15號休假期間出現病徵，並前往診所求醫。

嗰名巴士車長7月16號放病假，初步確診後喺同日夜晚已經入院接受隔離同埋進一步檢測，到7月17號朝早確診，現時情況穩定。

新巴亦發佈確診巴士車長喺7月13-14號駕駛23號線嘅班次時間，並指巴士車長當值期間，有佩戴口罩。

7月13號

• 北角碼頭開出：06:00、07:38、09:29、12:31
• 蒲飛路開出：06:50、08:32、10:25、13:29

7月14號

• 北角碼頭開出：06:00、07:38、09:29、12:31
• 蒲飛路開出：06:45、08:33、10:27、13:29

確診巴士車長喺7月13-14號曾經揸過4架巴士，以下係相關巴士嘅車隊編號：

• 3828
• 4062
• 4072
• 4076

新巴指出，7月16號晚呢4架巴士已經返回巴士廠，由員工以 1:49 稀釋漂白水進行徹底消毒、清潔，包括冷氣隔塵網。

北角碼頭巴士總站、蒲飛路巴士總站嘅站長室同埋員工休息室亦喺7月16號晚進行徹底消毒清潔。

新巴表示，已經安排7月13-14號有曾經揸過上述4架巴士嘅巴士車長，以及曾經同確診巴士車長一齊開飯嘅巴士車長，合共19人暫時停工，並進行新型冠狀病毒（武漢肺炎）測試。

新聞稿指出，自2020年1月尾新型冠狀病毒（武漢肺炎）喺香港爆發後，新巴同城巴一直指示清潔承辦商喺各個巴士總站加強清潔同消毒各架返到總站嘅巴士。巴士每日返回巴士廠後亦會以1:99稀釋漂白水清潔巴士車廂，並會因應實際環境，喺有需要時以1:49稀釋漂白水清潔同消毒巴士車廂。

新聞稿亦聲稱，新巴同城巴旗下專營巴士嘅空調系統均設有靜電除塵裝置，利用電離子效應加強循環過濾車廂空氣，能有效減少車廂內微粒同細菌水平，而巴士冷氣隔塵網，每月均會拆除清洗唔少於2次，亦已安排喺清洗冷氣隔塵網嘅過程中加入稀釋漂白水清洗。

至於講到員工，新巴同城巴所有前線員工每天開工前需要量度體溫，公司亦會喺巴士車長簽到地點使用紅外線探熱器為巴士車長量度體溫。巴士車長若出現呼吸道感染病徵或發燒情況，須儘快求醫同向公司報告。新巴同城巴外有為員工提供口罩、酒精搓手液，供當值時佩戴及使用。

城、新措施有更新 車長報到量體溫

而巴士乘客方面，新巴同城巴會繼續利用巴士車廂自動報站系統、巴士站班次顯示屏、流動應用程式、社交媒體等多種渠道發放宣傳訊息，提醒乘客乘搭巴士必須佩戴口罩嘅規定、日常注意個人及環境衛生、咳嗽及打噴嚏時用紙巾掩蓋口鼻、用過嘅紙巾請勿棄置於車廂內，以減低病毒傳播風險。

【防疫要緊】搭巴士都要防疫 口罩唔該戴好先

新世界第一巴士公司職工會理事長林錦標回應傳媒查詢時表示，據佢所知確診巴士車長居住喺沙田區，感染源頭不明。佢指政府強制要求市民乘搭公共交通工具要戴口罩嘅措施太遲實施，並指公共巴士周街走，感染風險點都係比食肆大。佢亦話站頭放咗唔少測試樽畀同事取用，但會拎嘅同事唔多，佢呼籲同事身體不適時儘快求醫，並進行檢測。

係唔係我哋班巴士佬諗得太前？