姜濤誕電車免費乘車日又嚟喇

一年一度嘅「姜濤誕」又嚟喇！姜濤香港後援會連續第五年夥同香港電車有限公司，响「姜濤誕」之「廿七大壽」4月30號姜濤當日舉辦「4.30 姜濤生日電車免費乘車日」，邀請全港市民一齊免費乘搭電車，以貼地、別具香港特色嘅方式，分享姜濤27歲生日喜悅，延續溫暖社區精神。

作為一年一度嘅生日應援活動，「電車免費乘車日」多年嚟已經成為市民同歌迷共同期待嘅城市風景，市民當日可以無限次免費乘搭全線普通載客電車。2026年活動踏入第五個年頭，別具意義，唔只象徵廣大歌迷對姜濤長久而堅定咁支持，亦體現後援會希望將祝福化為實際行動、回饋社會嘅初心。

兩架「姜濤號」電車已經喺2026年4月初率先出動，穿梭港島北街頭。車身廣告繼續採用獨家設計，盛載「姜糖」創意，「沿濤」送上生日祝福。

2026年4月30號中午，姜濤香港後援會延續慶生傳統，2架「姜濤號」由屈地街車廠出發，前往「姜濤灣」（銅鑼灣） ，同市民以及樂迷見面。

後援會期望透過呢份真誠心意，畀更多市民喺日常出街中感受到姜濤生日嘅歡樂氣氛，以流動方式向市民送上祝福，為城市添上一份正能量。

香港電車一直致力支持香港本地音樂文化發展，樂見歌迷秉承姜濤志向，實踐將關愛帶入社區。呢次活動滿載「姜糖」熱情以及投入，唔只係1場生日應援，亦係1個畀公眾共同參與、展現香港獨有創意、人情味，以及凝聚力嘅活動。