香港萬麗海景酒店×香港電車：特設「萬麗新春電車」迎新歲

Model：q.kiu.q

早前全數售罄嘅「叮叮餐廳」再度登場！香港電車旗下#68復古開篷「電車全景遊」觀光電車喺2026年2月化身做「萬麗新春電車」，2026年2月6號到2026年3月1號期間，每日穿梭喺喜氣洋洋嘅港島街頭，隨着馬年新歲蹄踏春意，寓意好運連年。

坐上「萬麗新春電車」，乘客可以樂享匯聚香港萬麗海景酒店3大食府、9款精選美點嘅「吉祥佳味盛盒」，為新年添上滋味祝福，仲有「萬麗喜饌利是」，解鎖酒店網上商店專屬優惠！

仿 1920 年代香港電車設計嘅68復古開篷「電車全景遊」觀光電車披上喜慶裝飾成為「萬麗新春電車」，由銅鑼灣啟程，途經灣仔嘅繁華街道，走過中環嘅摩天大樓剪影，以至上環嘅新舊交織。

坐上開篷嘅上層車廂，盡情感受城市節慶嘅喧鬧躍動；走返落下層車廂，參加者可以探索老香港典雅風韻，欣賞城市今昔嘅照片以及藏品，甚至玩下小問答遊戲測試自己有幾認識香港電車呢間「百年老店」。適逢「去蛇迎馬」，電車下層車廂設有以馬年特別版滾筒印章，乘客可以挑戰喺行走緊嘅電車「轆」返一對專屬揮春（但唔建議「轆」上身邊朋友塊面），為新春增添喜慶氣氛。

乘客喺旅途中品味由香港萬麗海景酒店3大食府——深受饕客喜愛嘅粵菜廳「滿福樓」、開業不久旋即備受熱捧嘅人氣自助餐餐廳「Food Studio」以及西式美饌別具匠心嘅「Mirage Bar & Restaurant」，聯手製作嘅「吉祥佳味盛盒」，喜嚐3式手工點心、3款自助餐精選滋味、3道西式鹹甜美點。

旅程結束後，仲可以拎走埋「萬麗喜饌利是」，解鎖網上商店各式美食折扣優惠，為新一年添上驚喜。

吉祥佳味盛盒

滿福樓美點	迷你燕窩蛋撻	貢菜妃子笑	芝麻卷
Mirage Bar & Restaurant 美點	蜜糖叉燒車打芝士撻	X.O. 松露醬燒鴨蘑菇米紙卷	琥珀合桃朱古力撻
Food Studio 美點	龍蝦柚子沙律配牛油生菜及脆米餅	賀年芝麻笑口棗	萬麗蝴蝶酥
飲品	青檸味 Perrier 有汽礦泉水	康普茶

萬麗新春電車
供應期：2026年2月6號到2026年3月1號
路線：  銅鑼灣總站至上環西港城總站
時間：  每日1730時
時長：  約1小時
價格：  星期一至五（2026年2月17~20號除外）：每位港幣308蚊；星期六、日以2及2026年2月17~20號：每位港幣338蚊

預訂：萬麗網上商店