【香港電車】銀行90週年慶 請大家免費搭電車

適逢招商永隆銀行喺2023年2月25號（星期六）成立90周年，銀行方面決定推出電車「免費乘車日」畀市民喺呢一日無限次免費乘搭電車，作為銀行90周年獻禮，同廣大市民以及客戶共同分享行慶嘅喜悅，同埋感受銀行「最懂你、最高效、最有溫度」嘅服務價值觀。

招商永隆銀行執行董事兼行政總裁洪波表示：「2023年，招商永隆銀行迎來咗成立90周年嘅重要時刻。90年來，招商永隆銀行與香港同心同行，喺廣大客戶同埋社會各界嘅支援下，立足香港、連接灣區、面向全球，始終為香港嘅騰飛不遺餘力。」

佢仲講到：「2008年永隆銀行正式加入母行招商銀行嘅大家庭，喺招商銀行嘅大力支持下，通過整合聯動同埋轉型發展，並將招商銀行『因您而變』嘅服務理念變成永隆『最懂你、最高效、最有溫度』嘅服務價值觀，傳遞到每位客戶。喺呢個90周年重要征程上，永隆亦秉承『取諸社會，用諸社會』嘅理念，持續踐行企業社會責任，通過呢一次電車『免費乘車日』活動回饋社會、廣大市民以及客戶，共同開啟90周年再出發新征程。」

或者有人會咁問：

上次渣打銀行係請免費電車
今次永隆銀行又係請免費電車
銀行咁有錢唔係應該試下請免費地鐵免費巴士嘅咩？

即係咁講，香港依家嘅主要金融銀行中心地區都仲係位於香港電車服務嘅範圍之內，銀行請大家免費搭車優先諗到電車都無可厚非，何況香港電車係香港多年嚟嘅社會象徵，資助一下呢一個香港老牌子都算係一個重要嘅社會責任。