狂徒恐嚇炸巴士？ 定係電工漏零件？

鯉魚門邨公共運輸交匯處一架行走14號路線嘅九巴，車廂入面有可疑物件！

根據巴士車長whatsapp群組流傳嘅相片，涉事係富豪B9TL雙層巴士（AVBWU350，SY9515），當時啱啱做完一程14號路線，停喺鯉魚門邨巴士總站14號路線站頭車坑。

據稱巴士車長「巡車」時發現車廂有可疑物件，立即報警求助，警方接報後封鎖現場處理，旁邊嘅巴士都要揸走…至於件可疑物件就咁樣嘅：

黑色盒 + 電線外露…難免令人擔心係咪爆炸品，不過希望只係有電力技工搭巴士時漏低零件。

不過據講警員打開嚟睇只係一啲廢棄物品，但詳細情況有待警方進一步披露。