大型移動廣告版 配合全新物料 #300 電車首個商用廣告閃爍登場✨

隨着戶外廣告市場持續演變，高達戶外再次以創新思維引領潮流。由香港電車前身#9載客電車改裝而成嘅唔載客#300電車（TRAM300），提供比一般載客電車多出超過 50% 嘅額外展示空間，成為推廣嘅理想平台。

呢一個設計除咗滿足商戶對於高效能展示嘅需求，同時亦為消費者帶嚟全新嘅視覺體驗。

「TRAM300」電車 早前曾以其他形式登場：

・2024年10月《夜闖異廠》萬聖節活動
・2025年4月 姜濤生日應援 、巡遊活動
・2025年7月香港主權移交28周年電車免費乘車日

2025年9月首次有商用廣告，為英皇地産推廣位處西半山般咸道28號嘅單幢高端住宅「the MVP」，仲用咗全新物料，閃耀港島。

「TRAM300」車身廣告部分採用全新閃亮華麗材質印刷技術，呢項技術喺陽光或燈光照射之下，能夠展現出耀眼閃爍效果。呢種視覺效果唔單止顯著提升咗廣告嘅吸引力，亦令到商戶嘅訊息更加鮮明、易於辨識。

高達戶外深知，競爭激烈嘅廣告環境中，點樣令商品脫穎而出係至關重要，「TRAM300」配合全新物料嘅創新設計正正有效解決呢種挑戰。

高達戶外市場營銷總監張凱迪（Hilda）表示：「將全新嘅印刷物料放喺交通工具廣告上面，配以『TRAM300』大型移動廣告模式，反映咗我哋不斷追求技術創新。透過結合現代設計理念以及先進印刷技術，我哋唔單止能夠創造出具有視覺衝擊力嘅廣告，仲能夠提升品牌同消費者之間呢互動體驗。呢一款新型電車廣告將為各類牌子提供更多創意展示嘅可能，無論係產品推廣、活動宣傳或者品牌形象塑造，『TRAM300』都能夠成為強而有力嘅媒介。」