城巴與昂坪360攜手合作推動大嶼山觀光旅遊發展

城巴有限公司（「城巴」）與昂坪360有限公司（「昂坪 360」）喺2025年7月30號公布合作，運用雙方公共交通網絡以及觀光行程嘅優勢，提升市民以及旅客欣賞大嶼山自然景觀同埋遊覽機場城市嘅體驗。

城巴為此推出全新主題開篷巴士，行駛5條大嶼山開篷巴士路線，貫穿昂坪360東涌纜車站、香港國際機場、香港迪士尼樂園同埋周邊酒店，發揮各個旅遊景點連同機場城市之間嘅協同效應。

城巴同昂坪360攜手合作推出5條每日提供服務嘅全新開篷巴士路線NP1、NP2、NP3、NP4、NP5，並由富有大嶼山特色嘅主題開篷巴士行駛，成為大嶼山流動打卡熱點。

旅客由離開香港國際機場嗰一刻就可以輕鬆乘搭城巴嘅開篷巴士，直達昂坪 360 纜車站，遊覽大嶼山嘅壯麗景點。

開篷巴士會途經香港迪士尼樂園以及周邊酒店，旅客離港當日都可以輕鬆暢遊昂坪以及飛機維修區，為旅客提供一站式交通接駁加埋觀光體驗，有助推動轉機旅客留喺香港短暫遊覽，支持旅遊業發展。

城巴董事總經理鍾澤文先生表示非常期待項目能夠為香港創出嶄新觀光旅遊體驗：「城巴榮幸能夠同本港著名旅遊景點昂坪 360 合作，共同推動旅遊業繁榮穩健發展。團隊過去一直積極同本港旅遊業主要持分者建立合作關係，旨在為旅客提供一站式旅遊、娛樂以及消費體驗。呢次同昂坪 360 合作更別具意義，標誌着城巴開篷巴士網絡進一步拓展到大嶼山，更加能透過昂坪 360 嘅纜車將旅客帶到全新高度。隨着機場城市持續擴展，城巴相信嗰區未來擁有具大發展潛力，我哋已經準備就緒以優質服務迎接更多旅客訪港，發揮香港背靠祖國、聯通國際嘅獨特優勢。」

昂坪 360 董事總經理董沛銓先生表示，非常高興同深入民心嘅城巴攜手合作，推動香港旅遊業：「大嶼山風光如畫，無論係飛機維修區，定係香港迪士尼樂園，都值得一遊。昂坪 360 同城巴合作推出嘅『360 大嶼山開篷巴士』套票，將大嶼山嘅各大地標同市區觀光景點無縫連接。無論賓客想喺市區乘搭觀光巴士欣賞夜景，定係結束行程前往機場，都可以輕鬆安排，免卻逐一預訂嘅煩惱。呢個套票充分整合香港旅遊資源，為賓客提供更便捷、更完整嘅旅遊體驗。」

「觀光城巴」擁有全中国最大規模嘅城市觀光開篷巴士車隊；昂坪 360 擁有全亞洲最長嘅雙纜索纜車系統，被譽為世界10大最佳纜車體驗。呢次合作更加會將帶嚟全新旅遊產品，將開篷巴士同纜車接軌，為海內外旅客提供更佳體驗。

旅客可以選購「360 大嶼山開篷巴士及纜車套票」，體驗 360 大嶼山開篷巴士、來回標準車廂纜車、城巴機場及東涌路線或「觀光城巴」港島及九龍市區開篷巴士路線。套票售價港幣445元，使用期長達24小時。

為鼓勵旅客把握暑假黃金檔期啲大嶼山休閒觀光，城巴為旅客精選「360 大嶼山開篷巴士及城巴套票」，2025年8月31號及之前，城巴提供66折觀光套票優惠，只需港幣100蚊，就可以喺24小時内無限次乘搭360大嶼山開篷巴士、城巴機場及東涌路線，穿梭大嶼山各大特色旅遊熱點。

套票喺城巴官方網店、昂坪 360 官方網店及指定網上旅行社有售。

城巴及昂坪 360 表示未來將會繼續透過優質交通運輸以及觀光體驗服務，加強市民同埋旅客連繫香港特色旅遊熱點，為顧客帶嚟大自然景觀加上文化探索嘅新體驗，鞏固香港作為國際旅遊城市樞紐地位。

同一時間，昂坪 360 亦同香港迪士尼樂園合作，呈獻《香港迪士尼樂園20週年預熱派對@昂坪360》，以慶祝香港迪士尼20週年，其中昂坪360會有限定11架水晶纜車，披上香港迪士尼20週年主題貼紙。

另外「米奇與好友」以及「Duffy與好友」2個20週年主題裝置亦會喺昂坪市集亮相，當中仲包括1個大約5米半高嘅奇妙夢想城堡布景板，畀參觀嘅賓客盡情打卡！

呢次「360 大嶼山開篷巴士及纜車套票」就正好方便一眾香港本地嘅「迪士尼迷」，可以一票通全程由市區屋企搭城巴到機場及東涌一帶，再轉去昂坪，以方便自己嘅方式既探下昂坪上面嘅迪士尼朋友又享受北大嶼山一日遊。