香園圍口岸旅遊巴「撼頭」司機受傷

因規劃設計方便而經常交通繁忙嘅香園圍邊境管制站今早發生旅遊巴「撼頭」意外，旅遊巴車頭及車頂嚴重損毁，司機受傷送院。

今早大約11點，一部髹上「陽光巴士」塗裝的 MAN 19.360IC / Gemilang Lion’s Intercity 旅遊巴士，司機誤闖駛往私家車上落客區設有高度限制嘅通道，及至天橋位置時撞到橋底。從網上流傳嘅車Cam 片及相片所見，旅遊巴「撼頭」後隨即溜後至平路位置才停低，幸未有撞及其他車輛。年約25歲麥姓司機眼、頸及手部位置受輕傷，送往北區醫院救治。

據經常前往香園圍嘅旅遊巴司機表示，該處路牌指示尚算清楚，指明右邊行車線只限私家車及電單車行駛上橋往私家車上落客區及私家車停車場，且有豎立限高2.4m 路牌。