台南市巴士9號線改用「9座位小巴」

香港嘅巴士公司用車一味要大，即使客量稀少，依然派車 12m 雙層，然後班次訂為 20分鐘、半個鐘，甚至一個鐘一班，結果客量越見下跌，想取消嗎？區議員例必反對，唯有乎將附近路線進行合併重組，行駛里程越拉越長，乘客行程時間定必增加，結果客量無增長，連同司機單程工作時間增加，導致三輸局面。

台灣南部，人口不止稀少，且分佈凌散，在居民未必會自行駕車/自騎電單車因而要開辦公共交通服務，規劃及經營絕對係高難度，要在班次同客量需求之間取得平衡，香港嘅一套，必定行唔通。台南、高雄、屏東三縣市政府，近年對巴士路線用車「縮小化」，由大巴變 Coaster / Rosa 一類嘅中巴，甚至再變成客貨VAN 9-12座車，再甚至向的士司機提供補貼變成「公交車」。

綜合台灣傳媒報導，台南市政府自去年10月，將14號線 (台南火車站-慈濟高中) 巴士由一部大巴變成兩部 9座位小巴，每日總班次由 32班增加至50班，經過近一年營運而客量上升 30% 後，今日重施故技，將往來台南火車站及安平區公親里的9號線，於返放學時間以外嘅班次改用9座位小巴，除將班次每日由23班增加至37班之外，採用小巴嘅班次更駛入道路狹窄嘅溪埔寮。

台南市交通局長王銘德指出，正因為大型巴士難以駛入村巷，形成服務覆蓋不足，期望改用小巴，除可以深入村里，並基於車輛營運成本減輕而可加密班次，令到鄉親們感到方便乘搭而能提高載客量並營運收益。相信9號線的改革亦能取得美滿成果。

選用嘅車輛為韓國現代 Staria，趟門進出範圍共設有9張座椅。此規格即使在香港，登記類別都定為「小巴」。台南嘅巴士「縮小化」計劃同成果似乎顛覆咗香港方面一啲既有諗法，甚至可以話引證香港嘅做法真係超錯。但無法子，呢度係香港。