安凱 A9 電動巴士首航

來自中国合肥的安徽安凱汽車股份有限公司因應香港市場設計及製造的「安凱 A9」純電動旅遊巴士，早前完成辦理運輸署登記領牌及相關過境客運牌照手續，噚日(6月24日)正式首航。

安凱客車香港代理「香港國際能源電動車集團有限公司」响噚日夥同首部「安凱 A9」嘅買家「中國華通有限公司」於上水廣場上水─文錦渡跨境巴士總站舉行首航典禮，並邀請到場嘉賓及傳媒試搭。典禮現場仲有展出首度亮相 65座規格嘅「安凱 A9」電動旅遊巴士。

另外值得一提兩部車嘅儀錶台造型都有所不同，原來 65座規格乃代理及廠方聯手設計嘅新款式，相對更流線型嘅觀感更為豪華時尚。日後落地嘅新車都會係用上呢一款設計。

昨日首航嘅「安凱 A9」49座位規格電動巴士，裝配上 423kw/h 電池、峰值輸出 350 Kw / 3500 Nm 恆久磁驅動摩打，續航距離達 430km，攀爬度達到 25% (比巴士不能駛上嘅東邊街還要斜) ，可謂是旅遊巴士業界期待嘅電動巴士規格。

代理方面响典禮上並宣佈將斥巨資於元朗大生圍設立充電站及維修中心，佔地超過70,000平方呎，安裝65支 3000A 充電樁，以支援「安凱A9」及為拓展電動商用車市場作更佳準備。預計於今年年底啟用。

作為「安凱 A9」嘅首名買家嘅「中國華通」，特別掛上該公司早就保留香港第一部過境巴士車牌EB1030，可見「華通」對呢部純電動巴士嘅重視同信心。而華通老闆劉西目表示，會將「上水文錦渡專綫」的20部柴油巴士陸續更換「安凱 A9」純電動巴士。

另一方面，為使市民有機會更深入體驗電動巴士嘅優越性，趁「回歸」27週年之際，推出免費試搭「安凱 A9」電動巴士大優惠。由今日 (6月25日)起至7月24日，每日提供六個班次服務，凡選乘「安凱 A9」往返上水至文錦渡嘅班次均為免費，車票會於開出前一小時派發，先到先得，派完即止。

安凱 A9 電動旅遊巴士規格簡介

型號：HFF6122K10EV
電池：儲電量 422.87Kwh，ATS 智能冷卻系統
驅動電機：恆久磁電動摩打，峰值輸出 350 Kw / 3500 Nm
續航距離：430km

全風式雙迴路，四輪碟式迫力。另備車身穩定系統 (ESC) 及車道偏離警示 (LDWS)
前2後4氣墊縣掛系統

車身部份
Kässbohrer Setra 全承載技術構造
尺寸 (長x闊x高)：11800 x 2500 x 3750mm/h
載客量：49座位 2+2 佈局。另可選用 65座位 3+2佈局

其他特色設備：
– 多層阻燃外殼電柒倉及電動機倉
– 自動滅火系統

備註：所有規格資料僅供參考，一切以廠方及代理公佈為準。