網上流傳一幀一部髹上新大嶼山巴士線條嘅 MAN 雙層巴士出沒於新加坡街頭
傳俾成日講新加坡嘅 Uncle Lim 睇同問佢張相會响邊度影，佢話從後面部高頂 Hiace 及隱約見到嘅車牌格式，加埋路旁環境，佢都話係「九成九係新加坡」。而事實上，呢位 IG 朋友嘅帳戶聲稱所在地，亦的確係新加坡。
從相片所見，呢部應該係裝配上馬來西亞 Gemilang Lion’s City DD 11.7米 車身 MAN 雙層巴士。亦即與本台曾經測試介紹嘅係相同型號。只不過呢部新車用返傳統「豬腰鏡」而不再電子睹後鏡，與及上層車頭裝上咗全幅式樹擋架。相信係新大嶼山巴士响去年招標訂購11部雙層巴士嘅其中一部。
我哋再嘗試打探多少少消息，雖然基於商業運作而唔可能 100% confirm 係嶼巴嘅新車，但就有問到原來 Gemilang 完成裝嵌車身嘅巴士，都會由馬來西亞柔佛州士乃 (Senai) 嘅廠房揸去新加坡嘅貨櫃碼頭上船。即係話相主算有啲運氣影到張相。
在此鳴謝相主 lifting_buses 授權轉載
Be the first to comment