【澳門】巴士車長無視後方來車？ 切線幾乎撞車！

2021年5月下旬，網絡社交媒體群組流傳一段長約半分鐘嘅影片，見到澳門有2架公共巴士喺行駛期間出現惡鬥嘅情況，事發後涉案嘅澳門公共汽車（澳巴）旗下巴士車長遭到解僱，其後澳門治安警察局仲將有關案件移送澳門檢察院處理。

事隔4個幾月，2021年10月5號，網絡社交媒體群組又流傳一段影片，雖然只得短短幾秒，但都清楚見到1架披上澳巴車身色彩嘅公共巴士喺行駛期間懷疑無視其他車輛就切線，幾乎撞上途經嘅車輛。

以下係被「夾」車輛嘅行車紀錄儀（車cam）所拍攝，大家睇片請注意聲量：

相信唔少讀者都清楚明白到今次事件係好明顯邊一方要負上較大嘅責任，喺一向畀人覺得「好和諧」嘅澳門，會唔會又係澳巴解僱涉事嘅巴士車長就當無事發生呢？

究竟呢一種唔去打算由培訓、管理層面去解決問題…係咪真係一種值得大家擁有嘅生活方式呢？ 澳門人都應該要認真考慮一下啦！