【日本巴士】川崎叮噹巴士換新裝 首日登場！

為咗紀念日本漫畫家藤子·F·不二雄而創立嘅藤子·F·不二雄博物館，2011年9月3號開始對外開放，蒞到2021年9月3號就正式10週年喇！

巴士台之前都有報道過，目前川崎市交通局旗下嘅川崎市巴士特別設有博物館專用嘅直達接駁巴士，往返「登戶站」同博物館之間，並且為接駁巴士用車披上特別車身色彩，而蒞到2021年，為紀念博物館開業10週年，連接「登戶站」同博物館嘅接駁巴士特別車身色彩將會有第3代嘅新設計！

【日本巴士】叮噹呀~誰都喜歡你~巴士換新裝

博物館方面就揀咗2021年9月3號（星期五）——博物館10歲生日正日——拎呢啲新車身色彩嘅接駁巴士開始投入服務，大家睇吓實物係點樣 （●_●）

博物館方面為慶祝10周年，除咗新車身色彩嘅接駁巴士之外，仲會舉辦其他活動，首先登場嘅會係將漫畫家藤子・F・不二雄嘅主要作品原稿依照年份展示嘅特別展覽，今次展覽仲有唔少首度公開嘅超珍貴原稿㗎！

博物館入面嘅咖啡廳仲會提供哆啦A夢角色嘅餐點；博物館商店甚至有好多只有喺博物館先至可以買到嘅原創商品。

川崎市政府同博物館都希望等到大家打贏新型冠狀病毒（武漢肺炎）、撤銷國際旅遊限制、可以再去日本玩嗰陣，一定要去參觀吓藤子·F·不二雄博物館。