話說上回介紹香港電車出動吉祥物「叮叮貓」，連同香港本土插畫師「貓室」嘅「癲噹」系列角色，一齊支持香港愛護動物協會（愛協）籌款，臨尾講到香港電車近日都會出另一件商品…m(｡≧ｴ≦｡)m
今次香港電車就同國際知名玩具牌子「孩之寶」合作，推出「香港電車限量版《大富翁》」。遊戲規則同一般嘅《大富翁》玩法無分別，玩家都係鬥買地、起樓、收租…然後搞到對手「破產」――不過重點係「香港電車限量版《大富翁》」嘅「地皮」係香港電車旗下路線嘅電車站…(°ﾛ°٥)
嘩！香港電車都有「車站上蓋物業」？
真正「納米樓」？！＼(●o○;)ノ
（係咪應該搵啲乜乜組織關注吓？）
返回正題，「香港電車限量版《大富翁》」另一個特點就當然係有啲香港電車特色嘅棋子，而啲玩具銀紙都印有香港電車嘅公司標誌㗎！
即係咁講，之前香港有另一間集體公共交通工具營運商都出過佢哋公司版本嘅《大富翁》，當時推出嘅係所謂「旅行裝」，曾經被一眾愛好者揶揄係「唔抵、唔夠誠意」…(╯ŏ益ŏ)╯︵(ヽo□o)ヽ
至於「香港電車限量版《大富翁》」喇喎，不如睇吓李文意（My叔）嘅「開箱短片」… ヽ(✿ﾟ▽ﾟ)ノ
相信拎My叔隻手同隻貓做比較之後，大家都知道呢一副賣港幣380蚊嘅「香港電車限量版《大富翁》」有幾大份㗎啦？
至於今次推出「香港電車限量版《大富翁》」，香港電車自己梗係又會有全車身廣告，被揀中嘅就係 #169 電車，以金色車身扮棋子示人（喂~咁似對面海啲ALX車身雙層巴士嘅？）
不過身邊謎之音話：「純粹一撻金色…又真係睇落幾俗氣」 ლ(・´ｪ`・ლ)
愛上了 看見你 如何不懂謙卑
《歲月如歌》(´>∀)人(´・ω・)ﾉヽ(・ε・*)人(-д-`)
去講心中理想 不會俗氣
猶如看得見晨曦 才能歡天喜地…
謎之音繼續話：「如果有人肯買返一副同我玩就好喇！」(´艸`)
仲唔快啲上香港電車個官方網站訂購「香港電車限量版《大富翁》」？(ﾉ>ω<)ﾉ
2 Trackbacks / Pingbacks